Sjal igjen.

Fekk lyst til å prøva å strikka eit sjal utan å bruka andre si oppskrift. Ville ha det luftig og lett.

Det vart eit enkelt mønster.

Merinoulla er utruleg mjuk og god å bruka til sjal, og denne gongen vart det ein farge som heiter isblå.

Som dei andre sjala, er dette og strikka på pinne nr. 4, og som de ser, brukte eg berre 50 gram.

Shetland triangle shawl

Dette er det andre Shetland triangle sjalet eg strikkar. Det første finn du i eit innlegg lenger nede i bloggen. Kjekt å variera med forskjellege fargar, og sjå kor ulike sjala blir.

Dette garnet er spunne av 50% ull, og 50% soyasilke, som gjer ein fin glans.

Her ser du kor mykje garn eg brukte på sjalet.

Endå eit Ishbel sjal.

Synest Ishbelsjalet er så fint, at då eg hadde spunne garn til eit sjal til, så fall valet på det enda ein gong. Denne gongen i ein anna farge. Det første eg strikka , er i eit innlegg lenger nede i bloggen.

Her spann eg først ein spole med merinoull. Den tvinna eg saman med ein spole bomullstråd, som kan brukast til tvinning og effektar. Dette strikka eg sjalet av.

Artig å sjå kvar gong kor mykje garn eg brukar på dei ulike sjala.

Ulmussjal

Så var det Ulmussjalet sin tur til å bli strikka. Her spann eg pelsull som det blir ein fin melert effekt av. Det kvite er ein rest shetlandsull som eg hadde igjen av Multnomahsjalet, som er i eit innlegg lenger nede i bloggen.

Det er så kjekt å prøva seg fram med ulike ullsortar, og sjå korleis resultatet blir. Dette og er strikka på pinne nr. 4.

I dette sjalet har det gått med mest garn av dei som eg har strikka, men så lenge ein brukar under 100 gram, så synest eg det er lite som går med til å strikka eit sjal.

Shetland triangle shawl

Dette er det tredje sjalet eg viser her på spinnebloggen. Dei to andre er Multnomahsjalet, og Ishbelsjalet. Denne gongen vart det i ulike blåfargar, og det er strikka av 100% merinoull. Mjuk og god. Brukte pinne nr. 4 denne gongen og.

Det var eit enkelt mønster å strikka, så det blir sikkert fleire sjal i dette mønsteret.

Som de ser så spann eg ein spole med ein farge, og den andre spolen med fleire fargar. Så tvinna eg dei saman, så når ein strikka av det , så blir det striper i dei ulike fargane. Eg var veldig usikker på om det ville passa i eit slikt sjal, og eg visste heller ikkje kor breide stripene kom til å bli. Men eg synest det er kjekt å prøva seg fram og sjå kva mulegheter ein har. Eg var svært spent på resultatet, men eg vart gledeleg overraska og ganske fornøgd.

Som de ser var det ikkje mykje garn som gjekk med til sjalet.

Tekstilkunstnar Lexi Boeger og Handspun revolution

I mai 2010 kjem Lexie Boeger, som har stjernestatus i spinneverda, til Lillehammer og skal blant anna ha ei kunstutstilling der. På den utstillinga er alle som spinner i alle land inviterte til å vera med på kunstprosjektet hennar, med noko ein har spunne sjølv. Korleis du skal gjera det , kan du lesa meir om på Spinnvilt sine sider. Eit kreativt prosjekt, som eg tenkte eg skulle vera med på.

Her er diverse som eg har karda og spunne av det som eg fekk til jul. Det meste av dette er pelsull, men nokre av hespene har eg blanda med anna ull. Veldig kjekt å prøva seg fram og blanda fargar sjølv på kardemaskina. Det blir vel ei av desse hespene eg kjem til å bidra med på Handspun revolution.

Multnomahsjal i naturfarga shetlandsull

Det er såå kjekt å strikka av garn som ein har spunne sjølv, og resultatet denne gongen vart endå eit sjal. Eg hadde tre ulike naturfargar i shetlandsull. Garnet var ganske tynt, men eg brukte pinne nr. 4 for å få eit luftig resultat. Var spent på om fargeovergangane vart fine, sidan det ikkje var gradvise overgangar. Resultatet vart ikkje så verst, og overgangane vart bra synest eg.






Som de ser, så er det ikkje så mykje garn som skal til for å strikka eit slikt sjal.