lørdag 17. desember 2011

God jul

Det blir nok ikkje noko meir aktivitet her på spinnebloggen før jul.

Tusen takk til alle dykk som har vore  innom her, og  følgt med på spinninga mi :)  Håper de har funne litt inspirasjon.

Litt julestemning må vi ha, så eg  avsluttar spinninga i år med ei hespe i julefargar :)

GOD JUL :)

søndag 20. november 2011

Spinning og hekling

Eg kjem alltid tilbake til kor kjekt det er å laga/hekla/strikka noko av garnet som eg har spunne.

Denne gongen vart det to par pyntepuls i litt ulikt mønster.


Garnet er spunne av svart merinoull, som er ei god og mjuk ull som ikkje klør.

Så har eg spunne tre hesper i merinoull, der eg har blanda  ulike fargar.

Det er spennande å setja saman fargar som ein kanskje i utgangspunktet trur ikkje vil passa så godt saman. I hespa i mitten spann eg saman militærgrøn, sjokkrosa og kvit. Eg var spent på resultatet, men eg synest det vart ganske stilig!

Pyntepulsa er allerde lagt ut på Epla.

Ha ein flott dag, og takk for at du tittar innom bloggen min :)

torsdag 13. oktober 2011

Tunika av sjølvspunne garn

Eg har lenge hatt i tankane å strikka denne kjolen/tunikaen utan at det er blitt noko av.

Eg likar godt det enkle men tradisjonelle mønsteret. Så kom eg på at eg hadde spunne noko garn som kanskje kunne eigna seg til prosjektet. Trudde ikkje at eg hadde nok, men tenkte at eg fann vel noko som eg kunne spe på med. Oppskrifta finn du i boka Strikk i ein fei, og den inneheld mange flotte og enkle oppskrifter. Redaktør er Karen Marie Vinje. I boka er det brukt pinne nr 6, men  eg har strikka den på pinne nr 5 i str small, og den passa akkurat. Eg strikka den 3 cm kortare enn oppskrifta, fordi eg ville ha den som tunika, og eg hekla ein anna kant rundt. Fann forresten ikkje noko i oppskrifta kor mange masker ein skulle ta opp rundt halsen.



Det grå er naturfarga shetlandsull, og det kvite er merinoull.

I oppskrifta står det at det går med 300 gram til str small.


Eg brukte berre 148 gram, og brukte ikkje opp alt eg hadde eingong. Den er utruleg lett og behageleg å ha på seg, og som eg har sagt før, så er det ei fryd å strikka av sjølvspunne garn. Berre prøv :)

søndag 18. september 2011

Hespe i grønfargar

Denne gongen har eg valt å spinna med ulike grønfargar, pluss litt svart innimellom.

All ulla er Merinoull, og det er litt lange fargeskift.

Her er dei ulike fargane på spolane.

Hespa er 44 gram, og det er ca. 245 meter. Den blir etterkvart lagt ut på Epla.

fredag 9. september 2011

Superfin Merinoull

Dette er nydeleg naturfarga superfin Merinoull kjøpt hos Spinnvilt. Det er spennande ull med fleire fargar.

Her har eg karda litt som eg skal spinna.

Eg har spunne den litt tjukt og litt tynt om kvarandre, og det blir ein flott struktur i garnet.

Og her er det ferdige resultatet. Ei supermjuk hespe med merinoull.

God helg :)

lørdag 3. september 2011

Litt strikking og hekling

Pulsvantar har vi vel allerede bruk for mange plassar i landet, og her har eg strikka to par av garn som eg har spunne.  Oppskriftene er mine eigne.

Det er alltid like kjekt å strikka av sjølvspunne garn.

Desse lyseblå har de nok sett før. Dei er no selt, og eg hadde akkurat nok garn til eit par til. 

Begge para blir lagt ut på Epla i løpet av dagen.

Ynskjer alle ei kreativ og flott helg :)

onsdag 24. august 2011

Spinning og karding

Det er kjekt og spennande å blanda fiber sjølv på kardemaskina.

Og det er gøy å spinna av slik fiber, og sjå kor fargane blandar seg med kvarandre når ein spinn.

Men det er vanskeleg å ta ta eit godt bilete av den ferdige hespa. Men det er nok ikkje kamera sin feil, men heller fotografen :)

Ha ei flott veke :)


fredag 19. august 2011

Renate Hiller

Denne videosnutten fann eg på Ullfori sin blogg. Det som først imponerte meg var steinspindelen som ho spinne på. Høyr og dei kloke orda hennar om kor viktig det er med handarbeid i den moderne verda.

Ha ei fin handarbeidshelg :)

søndag 31. juli 2011

Sommarspinning

Det er blitt littegrann sommarspinning.

Her har eg først karda ulike fargar med fiber på kardemaskina. Det er spennande å blanda fargar og sjå korleis resultatet blir. Eg er spent på om eg er fornøgd med fargeskifta når eg strikkar av det.


Så har eg spunne to hesper med melert garn, og ei hespe med grått garn. Veit ikkje kva det skal brukast til enno, men det vil tida vise.

mandag 16. mai 2011

Handleddpuls og meir garn

Det er blitt litt småstrikk igjen. Denne gongen så smått at eg kallar dei for handleddpuls. Dei er berre 9 cm lange, og veg  9 gram. Dei kan brukast både til pynt og til nytte.

Dei er strikka av merinoull.

Så har eg spunne merinoull i ein nydeleg grønfarge. Det er 41 gram, og ca. 249,20 meter. Både den og handleddpulsa blir lagt ut på Epla.

søndag 1. mai 2011

Litt meir spinning og strikking

Har strikka eit par pulsvantar til i blå Merinoull som eg har spunne. 

Dei har allerede fått seg  ny eigar.

Så er det blitt to nye hesper i forskjellege fargar. Den til venstre er ca. 228,2 meter, og veg 43 gram. Den til høgre er ca. 224 meter, og veg 40 gram.

Hespa til venstre er tvinna saman av desse to spolane i ulik farge.

lørdag 16. april 2011

Pulsvantar igjen

Eg har nok litt dilla på å strikka pulsvantar for tida. 

Det er koseleg småstrikk, og det går lite garn med til eit par. Desse veg berre 19 gram, og er strikka i  mjuk og god Merinoull.

Og når eg har spunne garnet sjølv, er det ekstra kjekt å setja seg ned og strikka av det. På grunn av at fargeskifta ikkje er like lange, så blir det ikkje like mange omgongar av dei ulike fargane når eg strikkar av det heller. Men det er noko av sjarmen med å strikka med slikt garn. 

Ei riktig god påske til alle som er innom :)

lørdag 9. april 2011

Pulsvantar igjen


Har strikka eit par pulsvantar til av garn som eg har spunne. 

Denne gongen kombinerte eg perlestrikk og flette.
Garnet eg har spunne, er mjuk og kløfri Merinoull, og fargen er djupare raud enn det som viser. Str. er S/M, og dei blir lagt ut på Epla.

onsdag 30. mars 2011

Litt spinning igjen

No har eg kost meg med litt spinning igjen, og det er verkeleg godt å setja seg ned med rokken. Ser det er mange som spinn som seier det same, og eg er heilt enig i at spinning er  meditasjon :) Det kan  anbefalast :)

Først vart det ei hespe der eg har blanda tre ulike fargar. Det er forholdsvis lange fargeskift, der fargane går over i kvarandre, og skiftar mellom einsfarga og melerte parti. Friske fargar som  det skal bli spennande å bruka. Den er 49 gram, og ca. 243,60 meter.

Så har eg spunne ei hespe med med ein nydeleg mørk lilla farge. Den er 48 gram, og ca. 250,60 meter. Den er lagt ut på Epla.

fredag 18. mars 2011

Pulsvantar til våren

Har strikka eit par pulsvantar til med sjølvspunne garn. Fine å bruka no når det vårast .

Det er mi eiga oppskrift, både desse og dei i innlegget under. Som de ser, er dei for store til meg, for dei er vel i ca. str. M / L. Dei blir lagt ut på Epla.

God helg til alle som er innom bloggen min :)

søndag 13. mars 2011

Pyntepuls

Har hekla eit par pyntepuls av den blå fiberen som eg har spunne. Det vil sei, eg strikka eit brot først, og så hekla eg vidare ut frå det. 

Det er 100 % merinoull, ei mjuk, god og kløfri ull.

Dei blir lagt ut på Epla i løpet av kvelden.

onsdag 2. mars 2011

Fiber

Eg er så heldig at eg har fått masse fiber til bursdagen min.

Store buntar med herlege fargar.

Det skal bli ei fryd å setja seg ned med rokken og spinna av alt dette  :)



All fiberen  er Merinoull, ei mjuk og kløfri ull, som er veldig god å spinna av, og som gjer mjuke og behagelege plagg. Alt er kjøpt hos Spinnvilt, der eg var på spinnekurs.

Som de ser, så har eg allerede prøvd meg litt. Eg hadde kvit merinoull frå før, så den svarte hespa er tvinna saman av ein spole svart, og ein spole med vekselsvis svart og kvit. Dermed blir det svarte og melerte striper når ein strikkar av det. Her er det 47 gram, og ca. 218.4 meter.
Grønfargen syns eg var så fin, så eg spann ei hespe med berre grøn. Den vart 48 gram, og ca. 245 meter.

lørdag 5. februar 2011

Vest / jakke utan armar


No har eg brukt opp endå fleire spinnerestar. Det er nok ikkje alt som er så fint spunne, men det fungerte godt å strikka av  likevel.

Det er ein enkel modell som er strikka nedifrå og  opp, og oppskrifta vart til ettter kvart som eg strikka. 

Som de ser så valde eg å starta med vrangbord til halsen litt langt nede, samtidig som eg fortsette på raglanfellinga. Det gav ein hals som la seg fint.

 Det er i grunnen kjekt å strikka med restar, for ein veit ikkje korleis det endelege resultatet vert før ein er ferdig. Den er i alle fall varm og god, og allerede i bruk.

Ynskjer alle ei flott helg :)

onsdag 5. januar 2011

Restecardigan

 Har lenge hatt lyst til å strikka meg ein cardigan frå halsen og ned, og med diverse spinnerestar sette eg  i gong. Oppskrifta fann eg via Hobbyvenn sin blogg, og ho hadde funne den på bloggen Slagt en hellig ko.


Oppskrifta heiter  Cirkacardigan. Det er ein smart måte å strikka på, og ein kan lettare prøva den underveis. 


Eg laga min eigen versjon av den, og hekla ei rad med fm, og ei rad med krepsemasker rundt til slutt.

Fann ut at eg ville prøva med skjult knapping, og sydde i trykknappar.

Her er eine hespa som eg brukte, og som er spunne av mange ulike fiberrestar. I tillegg hadde eg mange små nøster som eg fekk brukt opp. Det meste av garnet eg har brukt er merinoull, så den er mjuk og god, og er allerede blitt ein innefavoritt.