tirsdag 2. november 2010

Meir merinoull


Har spunne litt meir garn som eg har lagt ut på Epla. Dette og er 100% merinoull, ei mjuk og kløfri ull.


Den første hespa på bilete er 41 gram, og ca. 161 meter. Den andre er 53 gram, og ca. 191 80 meter.


Den første her er 47 gram, og ca. 172,20 meter. Den andre er 52 gram, og ca.180,60 meter.


På dei blå hespene har eg tvunne saman to ulike fargar, som gjer ein fin melert effekt.

mandag 25. oktober 2010

Merinoull


No har eg spunne litt merinoull som eg har lagt ut på Epla. Det er ei nydeleg mjuk og kløfri ull.


Her er to hesper med kvit. Den eine er 53 gram og ca. 238 meter. Den andre er 53 gram og ca. 253, 40 meter.


Her har eg tvunne to spolar med ulik farge. Det gjer ein fin melert effekt. Den eine hespa er 46 gram og ca. 187, 60 meter. Den andre er 53 gram og ca. 208,60 meter.


Så ei hespe med mørk lilla som er 49 gram og ca. 177,80 meter.

søndag 19. september 2010

Pulsvantar av shetlandsull.


Denne gongen vart det pulsvantar i shetlandsull. Kjekt å prøva med ulike ullsortar.


Mønsteret vart til underveis, og garnet er mjukt og fint. Brukte pinnar nr. 3,5.


Hadde ein rest med grå shetlandsull som eg brukte på det eine paret.


Det gjekk med berre 17 gram garn i kvart par.


På undersida fortsette eg med vrangbordstrikk som på brotet. Det gav ei god passform.


Har enno litt igjen av hespa, så det blir kanskje eit par til. Desse og blir etter kvart lagt ut på Epla.

mandag 6. september 2010

Alpakkapuls


Her har eg strikka pulsvantar i alpakkagarn.


Har pynta dei med ein hekla blomst, og har hekla ein enkel kant nederst.


For å få litt meir liv i garnet, så tvinna eg det med fleirfarga bomullsgarn, i same fargeskala som tråden. Det gav ein spennande melert effekt.


Alpakkafiber var nok ikkje så lett å spinna som ullfiber, men ikkje verre enn at eg prøver det nok igjen.


Eg har strikka to par, og dei blir vel lagt ut på Epla etter kvart.

lørdag 21. august 2010

Sjal av fiberrestar


Dette vart resultatet av den eine hespa med fiberrestar som eg spann.


Kjekt å strikka av slikt restegarn, og sjå etterkvart korleis stripene blir.


Det meste av sjalet er glattstrikk, men eg laga ein enkel holbord til slutt.


Her er garnet som eg strikka det av.


Ynskjer ei fin helg til alle som er innom bloggen min :)

torsdag 5. august 2010

Kunstprosjekt


Har strikka nokre småting som skal vera med i eit kunstprosjekt som Edel Marie med den koselege bloggen ems skal ha. Ho held på med eit spinneprosjekt der ho skal spinna inn miniplagg som skal symbolisera samarbeid og dugnadsånd, kobla opp til våre lange strikketradisjonar. Og då spesielt kvinnene sin ulønna arbeidsinnsats gjennom mange generasjonar. I den forbindelse inviterer ho alle som vil til å vera med og strikka slike småplagg. Gå gjerne inn på bloggen hennar og les meir om prosjektet.




Eg valde å bruka restar av garn som eg har spunne, men du kan og bruka vanleg restegarn. Det skulle ikkje så mykje til før det vart eit plagg. Det vart nokre enkle ting frå meg. Kanskje ikkje så lett å sjå kva det er, men det du ser er eit teppe, ein vest, eit sjal, eit skjerf og ei hue. Det vart sendt i posten i dag, og eg håper dei kan brukast. Kjekt å få vera med på, og det blir spennande å sjå resultatet :)

fredag 2. juli 2010

Hespe i gla'fargar


Ja, det vart enda ei fargerik hespe av fiberrestar. Koseleg å spinna av slike gla'fargar, og spennande å sjå kva resultatet blir.


Har ikkje hatt noko system i korleis eg har blanda fargane, så eg er jo spent på korleis resultatet blir når eg strikkar av det.


Ynskjer ein fin sommar til alle som er innom bloggen min :)

søndag 27. juni 2010

Fargerikt garn


Eg har diverse fiberrestar som eg vil få brukt opp, så eg plukka ut ulike fargar som eg håpa ville passa saman. Resultatet vart denne hespa med fargerikt garn.


Veit enno ikkje kva eg skal bruka det til, så den får liggja å modnast så lenge :)

Eg har enno fleire restar igjen, så kaskje det blir fleire hesper etter kvart.

søndag 13. juni 2010

Frå fiber til sjal


Det er ein lang veg, og mange prosessar ein skal gjennom frå fiber til ferdig produkt. Denne gongen blanda eg to ulike fiber. Den grøne er merinoull, og den kvite er 50% ull, og 50% soyasilke.


Her set eg ved rokken og har akkurat starta med å spinna spolen med merinoull. Dette tek tid , men er utruleg kjekt.


Her er begge spolane ferdige. Desse tvinnar eg så saman for å få det garnet som eg vil ha.


Her er garnet ferdig tvinna og hespa, og no må det vaskast før eg kan strikka av det.


No er det ferdig vaska og tørka, og eg har nøsta det opp. Endeleg kan eg strikka av det. Og å strikka av sjølvspunne garn må berre opplevast :) Det er heilt spesielt.


Når sjalet er ferdigstrikka, så må det vaskast og blokkast før det er eit ferdig produkt.


Her er det ferdig vaska og blokka, og er klart til bruk.


Og her er eit par pyntepuls i likt mønster.


Ha ein fin søndag :)

fredag 7. mai 2010

Pyntepuls og sjal.

Eg føler nok at eg gjentek meg sjølv for tida, for her er enda eit sjal i same oppskrift som dei to forrige. Dette er spunne av 50% ull, og 50% soyasilke, så det har ein fin glans. Det er litt større enn det lilla i forrige innlegg. Det er enkelt å forlenga mønsteret dersom eg vil ha eit større sjal.






Så har eg strikka pyntepuls i likt mønster som sjala. Fint å bruka som eit sett. Dette og er lagt ut på Epla.



mandag 26. april 2010

Enda eit sjal.

Dette sjalet er og strikka i 100% merinoull. Eg har spunne ein spole med lilla, og ein med grå, som gjer ein fin melert effekt. Det er litt større enn det første som eg strikka. Dette har eg tenkt å selja på Epla.



Det er lett og mjukt å ha på, og er strikka på pinne nr. 4.

tirsdag 6. april 2010

Enda eit sjal

Det var kjekt å prøva å strikka sjal med si eiga oppskrift, så eg har strikka eit til.


Sjalet er mjukt og lett, og veldig behageleg å ha på.



Det passa godt som trekantsjal i halsen, men det var litt lite til å ha rundt skuldrane. Derfor vil eg strikka eit til som er litt større.


Eg har spunne det av merinoull, og tvinna saman to spolar i ulik raudfarge.

Vekta denne gongen vart 51 gram.

lørdag 27. mars 2010

Sjal igjen.


Fekk lyst til å prøva å strikka eit sjal utan å bruka andre si oppskrift. Ville ha det luftig og lett.


Det vart eit enkelt mønster.


Merinoulla er utruleg mjuk og god å bruka til sjal, og denne gongen vart det ein farge som heiter isblå.

Som dei andre sjala, er dette og strikka på pinne nr. 4, og som de ser, brukte eg berre 50 gram.


lørdag 13. mars 2010

Shetland triangle shawl


Dette er det andre Shetland triangle sjalet eg strikkar. Det første finn du i eit innlegg lenger nede i bloggen. Kjekt å variera med forskjellege fargar, og sjå kor ulike sjala blir.





Dette garnet er spunne av 50% ull, og 50% soyasilke, som gjer ein fin glans.


Her ser du kor mykje garn eg brukte på sjalet.